Gazeta Si – Një 23-vjeçar shqiptar është vrarë pasditen e të dielës rreth orës 17:00 në Sirolo, një fshat turitik në Ankona të Italisë.
I riu, Klajdi Bitri, humbi jetën teksa mbronte shokun e tij, i cili po konfliktohej me një person tjetër në rrugë.
Sherri mes të cilëve ka ndodhur pasi makina ku ndodhej autori i vrasje kishte bllokuar trafikun dhe nuk i jepte përparësi automjeteve të tjera.
Mediat italiane shkruajnë se i riu u godit në mes të rrugës me një shtizë peshkimi nga një 30-vjeçar algjerian.
Ky i fundit mësohet se është arratisur nga vendngjarja me një makinë të errët, por u kap pas 5 orësh nga policia e Falconaras.
Në makinë iu gjet dhe pushka e zhytjes me të cilën kreu krimin e rëndë.
Paraprakisht thuhet se shkak u bë situata e krijuar me makinat në rrugë, ishte algjeriani i cili po lëvizte shumë ngadalë duke krijuar trafik, edhe pse në timon dyshohet se ndodhej gruaja e tij dhe ai ishte në vendin e pasagjerit.
Ai më pas, siç thonë dëshmitarë të tjerë, është konfliktuar fizikisht me shokun e të riut shqiptar.
Klajdi Bitri, teksa u përpoq të zbuste sherrin mes të dyve, humbi jetën në formë tragjike. Sipas autoriteteve atje, Bitri mori goditje në gjoks dhe mbeti i vdekur në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
