.png)
Gazeta Si – Një 20-vjeçar i identifikuar si Pavlin Preka, u gjet i vrarë me armë zjarri këtë të enjte në Shkodër rreth orës 14:50, në fshatin “Guci e Re”.
Sipas një njoftimi të policisë, ngjarja ka ndodhur në rrethana dhe për shkaqe momentalisht të panjohura. Policia e Shkodrës tha se ka nisur hetimet për zbardhjen e ngjarjes së rëndë.
Sipas burimeve paraprake, bëhet me dije se ai është gjetur i pajetë në oborrin e shtëpisë, nga familjarët e tij.
“Rreth orës 14:50, në fshatin “Guci e Re”, është gjetur pa shenja jete shtetasi P. P., rreth 20 vjeç, dyshohet i vrarë me armë zjarri. Menjëherë në vendngjarje kanë shkuar shërbimet e Policisë dhe grupe të Forcës Kombëtare të Sigurisë, Njësia Shkodër. Ndërkohë është ngritur një Grup i posaçëm hetimor dhe nën drejtimin e Prokurorisë po punon intensivisht për sqarimin e rrethanave, dokumentimin ligjor, identifikimin dhe kapjen e autorit/ve”, thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
