.png)
Gazeta Si – Një 43-vjeçar nga Shkodra është vrarë me armë zjarri në Toronto të Kanadasë. Sipas mediave kanadeze, viktima, baba i dy fëmijëve, i identifikuar si Paulin Harusha, u gjet i pajetë në një automjet pranë “Victoria Park Avenue” dhe “Meadowacres Drive” pak para mesnatës të së shtunës.
Autoritetet kanadeze thanë se autorët u larguan nga vendi i ngjarjes me një makinë tip SUV me ngjyrë të çelët përpara se të mbërrinin oficerët.
Në një konferencë për mediat të dielën, Inspektori Jonathan Rose nga Shërbimi Policor i Toronto-s njoftoi se motivi i ngjarjes mbetet ende i paqartë.
Hetimet janë ende në vazhdim, dhe policia u bën thirrje qytetarëve që kanë informacion të kontaktojnë autoritetet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
