Gazeta Si – Xhakomo Vrioni duket se do ta realizojë ‘ëndrrën amerikane’ në moshë shumë te re. Sulmuesi i Kombëtares pritet të transferohet në kampionatin amerikan (MLS), për të veshur fanellën e Nju England.
Emri i lojtarit kuqezi është lakuar shumë në merkato, pas sezonit të mirë me Tirolin në Austri. Pas kthimit të tij nga huazimi, shumë klube kanë trokitur te Juventusi për të marrë shërbimet e Vrionit.
Në Itali bëjnë me dije se 23-vjeçari do të kalojë oqeanin, pasi Juventusi ka pranuar ofertën e Nju England. Klubi torinez pritet të përfitojë 3.8 milionë dollarë nga marrëveshja, plus bonuset.
Kalimi i Vrionit në Amerikë pritet të zyrtarizohet shumë shpejt. Për të pati interesim edhe nga klube të Serisë A, por edhe nga Turqia.
Në Amerikë kanë luajtur më parë edhe disa ish-lojtarë të Kombëtares, të gjithë sulmues. Ata janë Hamdi Salihi, Jahmir Hyka dhe Shkëlzen Gashi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
