Gazeta Si – Një 45-vjeçar shqiptar i dënuar me 15 vjet burg, për vrasje me paramendim dhe armëmbatje pa leje më Shqipëri, është arrestuar në Gjermani.
Bëhet fjalë për shtetasin Marlen Tome (Toma), i cili në vitin 1998, në një lokal nate në Durrës, gjatë një konflikti për motive të dobëta, ka qëlluar me armë zjarri, rojën e lokalit.
Ndërkohë, Interpol Tirana, në bashkëpunim me Interpol Wiesbaden/Gjermani, vijon procedurat për ekstradimin e këtj shtetasi drejt vendit tonë.
Një ditë më parë, Silvester Driza, i shpallur në kërkim nga SPAK për aferën e inceneratorit të Fierit, është vënë në pranga nga autoritetet gjermane në Frajburg, ndërsa pritet ekstradimi i tij në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
