Gjykata e Lartë ka rrëzuar rekursin e bërë nga ish-polici Ludjan Zaimi për dënimin e tij me 30 vite burg nën akuzën e vrasjes së kolegut të tij, Çaush Saliasi brenda komisariatit nr.3 në Tiranë.
Zaimi ishte shpallur fajtor nga Gjykata e Tiranës për veprën penale të vrasjes me paramendim të punonjësit të policisë.
Ngjarja që tronditi opinionin publik ndodhi më 23 maj të vitit 2022 kur Zaimi duke përdorur armën e tij të shërbimit, qëlloi për vdekje kolegun e punës i cili humbi jetën në spitalin e Traumës.
Në dëshminë e dhënë në gjykatë, Zaimi ka pretenduar se shkak për aktin e rëndë të ndërmarrë prej tij ishte bërë tallja dhe bullizimi i vazhdueshëm nga ana e viktimës, Saliasi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
