Gazeta Si – Prokuroria e Elbasanit ka kërkuar 20 vite burg në mungesë për Erjon Llapushin, i shpallur në kërkim për vrasjen në Elbasan të një kamarieri pas sherrit për një tavolinë.
Llapushi, autori i krimit makabër në një lokal në Elbasan më 2 tetor 2021. kapi nga fyti kamarierin Gazment Kurmaku për një tavolinë, e kërcënoi me një thikë, e më pas e vrau. Ai ndodhet në arrati prej thuajse 3 vjetësh dhe nuk është arrestuar akoma nga policia.
Ndërsa bashkëpunëtori i tij, Luan Dulellari nuk bëri asnjë lëvizje për të ndaluar shokun e tij apo për të mbrojtur viktimën, por u arratis.
Gazment Kurmaku, 57-vjeç u vra për arsye banale, për një tavolinë që ishte rezervuar. Llapushi, 33 vjeç, është një personazh i skeduar për aktivitet kriminal, dhunë dhe rrezikshmëri të lartë shoqërore.
Sherri mes tyre, nisi për një tavolinë të rezervuar, ku mësohet se kryekamarieri i ka bërë me dije Llapushit, se ajo ishte e zënë dhe nuk duhej të ulej aty.
Llapushi figuron mes 5 personave më të kërkuar nga drejtësia shqiptare, që akuzohen për ngjarje të ndryshme kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
