Gazeta Si – Olgert Dhimitri këmbëngul se nuk kujton asgjë para dhe gjatë konfliktit që la të vdekur fqinjin e tij, Ilir Kapo.
37-vjeçari vrau me thikë 60-vjeçarin pas një sherri të nisur në lokal në Tiranë dhe për këtë gjykata vendosi masën e sigurisë “arrest në burg”.
“Nuk mbaj mend asgjë, më vjen shumë keq për atë që ka ndodhur, jam i penduar”.
Kështu është justifikuar para togave të zeza i riu, i cili u arrestua pak orë pas vrasjes ë ndodhur pranë shkollës “Harry Fultz”.
Ilir Kapo u sulmua për vdekje nga 37-vjeçari pas një sherri verbal, që degradoi në përplasje fizike duke bërë që autori të nxirrte thikën e të sulmonte për vdekje.
Pas arrestimit të tij nga policia, Olgert Dhimitri fillimisht nuk ka qenë në gjendje që të japë dëshminë e tij për shkak të efektit të alkoolit.
Dëshmitarët në vendngjarje kanë treguar se viktima me autorin njiheshin me njeri- tjetrin pasi ishin banorë të së njëjtës lagje.
Ata kanë debatuar mes tyre në lokal, në një kohë që të dy kishin konsumuar sasi të mëdha alkooli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
