.png)
Nga Gazeta ‘SI’ – Gjykata e Apelit e Posaçme për Korrupsionin dhe Krimin e Organizuar ka ulur sot dënimin ndaj Aksel Hoxhës, i akuzuar për vrasjen e Stiven Toshkëzit në vitin 2022.
Trupi gjykues, pasi pranoi kërkesën e të pandehurit për gjykim të shkurtuar, e ka dënuar Hoxhën me 12 vite heqje lirie, nga 18 vite që ishin dhënë në shkallën e parë nga Gjykata e Tiranës.
Vendimi ka shkaktuar reagim të ashpër dhe të menjëhershëm nga familjarët e viktimës Stiven Toshkëzi, të pranishëm në sallë.
Aksel Hoxha u shpall fajtor për veprën penale “vrasje në rrethana cilësuese” në lidhje me ngjarjen e rëndë të ndodhur në Tiranë, ku Stiven Toshkëzi humbi jetin pas një konflikti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
