.png)
Një biznesmen, Edmond Mëhalla u ekzekutua në Elbasan mbrëmjen e kësaj të diele. Mësohet se 43-vjeçari është qëlluar teksa ishte në automjetin e tij, në dalje të Elbasanit, në aksin rrugor Elbasan-Librazhd.
Po ashtu bëhet e ditur se automjeti me të cilin po udhëtonte Mahalla ka marrë tre plumba në krahun e shoferit, dy prej të cilëve besohet të kenë kapur biznesmenin në kokë.
Burime jo-zyrtare thonë se është qëlluar nga një automjet tip ‘Audi’ me ngjyrë të zezë. Po ashtu, familjarët e viktimës kanë mbërritur në vendngjarje.
Ndërkohë grupi hetimor po punon për kapjen e autorëve dhe zbardhjen e plotë të rrethanave të krimit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
