.png)
Gazeta Si – Gjykata e Elbasanit ka lënë në burg Xhino Agon dhe Kujtim Pishën, dy prej të arrestuarve lidhur me atentatin e mbrëmjes së 30 nëntorit, ku mbeti i vrarë biznesmeni Edmond Mëhalla.
Ago, ish-ortak me të ndjerin, dyshohet se ka patur mosmarrëveshje në biznes dhe për shkak të kësaj, ka siguruar kushtet për autorët që kryen vrasjen.
Ndërsa Kujtim Pisha, është roja i karburantit “Xhaxhi Oil”, që është nën pronësinë e biznesmenit të vrarë. Pisha akuzohet se ka penguar zbardhjen e së vërtetës duke mos dhënë dëshmi për vrasjen e ndodhur.
Seanca u zhvillua nën masa të rrepta sigurie. Ndërsa prokuroria ka depozituar një kërkesë të veçantë për masë sigurie për të arrestuarin Nevzat Spaho, i cili dyshohet se ka qenë ekzekutori i biznesmenit. Pritet që gjyqi ndaj tij të zhvillohet gjatë fundjavës.
Në kërkim janë edhe dy persona të tjerë të cilët dyshohen si pjesëmarrës në atentat, Marsel Arani e Armando Kola.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
