Nga Gazeta Si- Përmes një reagimi në rrjetet sociale, KQZ sqaron se nuk ka vendim për të përjashtuar nga numërimi dhe vlerësimi i votave, shqiptarët që kanë votuar nga Greqia.
Pas tensioneve të regjistruara mbrëmjen e djeshme te Parku Olimpik, KQZ mori vendim që të vijohet me numërimin e fletëve të votimit duke lënë mënjanë zarfet nga Greqia, me qëllim zhbllokimin e procesit.
Në njoftim sqarohej se do të ketë një vendimmarrje të dytë për zarfet e Greqisë, ndërsa Partia Socialiste përmes drejtuesit politik për Diasporën, Taulant Balla kërkoi shfuqizimin e vendimit të Komisionerit Shtetëror të Zgjedhjeve për mosnumërimin e votave të ardhura nga Greqia.
Lidhur me të gjithë situatën KQZ sqaron sot se “vendimi i marrë një ditë më parë, ka si qëllim vetëm mirë administrimin e dokumentacionit zgjedhor të votuesve nga jashtë, gjatë kohës kur ky dokumentacion, shqyrtohet nga numëruesit dhe komisionet përkatëse të administrimit të numërimit dhe vlerësimit të votave nga jashtë për 12 qarqet e vendit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
