Nga Gazeta Si- Një 64-vjeçar ka ndërruar jetë pasi ka humbur kontrollin e makinës dhe ka përfunduar në kanal. Aksidenti ka ndodhur në fshatin Muçaj në Vorë dhe paraprakisht dyshohet se 64-vjeçarin A.A, e ka zënë gjumi në timon.
Megjithatë policia nuk përjashton as faktin se viktima mund të ketë pasur probleme shëndetësore.
‘Më datë 18.01.2024, në rrugën e fshatit Muçaj, shtetasi A. A., 64 vjeç, dyshohet se ka humbur kontrollin mbi automjetin që drejtonte, dyshohet për shkak të pagjumësisë, ose problemeve shëndetësore, i cili ka dalë nga rruga dhe ka rënë në kanal. Për pasojë, drejtuesi i automjetit ka humbur jetën në vendngjarje”, shkruhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
