.png)
Gazeta Si – Me kërkesë të Prokurorisë së Vlorës, gjykata ka vendosur sekuestrimin e pasurive të 40-vjeçarit Arjan Rrokaj, i cili më herët është dënuar për trafik droge dhe pjesëmarrje në organizata kriminale.
Në një njoftim zyrtar, Prokuroria bën me dije se ndaj Rrokajt janë sekuestruar disa apartamente, njësi të ndryshme (garazhe apo ambiente zyre) si edhe automjete, me një vlerë të përgjithshme rreth 400 mijë euro.
Sipas organit të akuzës, pasuritë në fjalë nuk justifikoheshin nga burime të ligjshme dhe dyshohet se janë përfituar përmes veprimtarive të paligjshme.
Arjan Rrokaj është dënuar nga Gjykata e Breshias me 8 vite burg për akuzat e mësipërme dhe në mars të vitit 2025 u arrestua në Vlorë me qëllim ekstradimin drejt Italisë për vuajtjen e plotë të dënimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
