Gazeta Si – Vllaznia ka zgjedhur Migen Memellin për stolin. Midis disa alternativash, si Edi Martini, Armando Cungu e të tjerë, drejtuesit e klubit shkodran vendosën t’ia besojnë detyrën e trajnerit 43-vjeçarit që më parë ka drejtuar Skënderbeun dhe Laçin.
Pogradecari merr vendin e maqedonasit Goce Sedloski, që u largua me mbylljen e sezonit. Memelli është prezantuar sot në zyrat e klubit ku shkodran, ku mes të tjerësh ka theksuar: “Është një përgjëgjësi e madhe, garantoj përkushtim dhe ndërshmëri. Shkodra meriton shumë”.
Trajneri i ri do të debutojë në kompeticionet europiane në stolin e Vllaznisë, konkretisht në Ligën e Konferencës, ku kundërshtari i parë nuk është mësuar ende. Ndihmës i Memellit do të jetë ish-futbollisti shkodran, Ndriçim Shtubina.
Prezantimi i trajnerit të ri është bërë nga drejtori sportiv, Elvis Plori.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
