Gazeta Si – Ndeshja e dytë në grupet e Ligës së Kampionëve ishte një leksion i vërtetë futboli për Vllazninë. Nëse ndaj Real Madridit vajzat shkodrane luajtën mirë dhe nuk pësuan më shumë se 2 gola, në Angli pësuan plot 8 gola nga Çelsi.
Diferencat janë të jashtëzakonshme mes dy skuadrave, çka e vërteton qartë edhe rezultati. Ishte një dorëzim pa kushte për kampionet e Shqipërisë, të cilat nuk arritën të bënin asnjë gjuajtje në portë.
Kerr shënoi 4 gola për Çelsin, Harder 3 dhe 1 gol mban firmën e Svitkovës. Vllaznia mbetet në kuotën e 0 pikëve pas dy ndeshjeve të para në grup, ndërsa të tretën e ka me PSG-në.
Vlen të përmendet fakti se në Londër pati një organizim të madh të tifozëve shqiptarë, të cilët e mbështetën skuadrën shkodrane në stadium.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
