Gazeta Si – Ka përfunduar në barazim 1-1 ndeshja e kthimit në Kupën e Shqipërisë mes Vllaznisë dhe Bylisit. Ndeshja e parë në Ballsh kishte përfunduar me fitoren 0-2 të shkodranëve, të cilët sot e kishin më të lehtë punën.
Pjesa e parë u mbyll pa gola, ndërsa në të dytën miqtë nga Ballshi befasuan me një gol të shënuar nga Kaçorri. Një gol që vuri në lëvizje Vllazninë, pasi situata filloi të komplikohej pak. Por Alivoda barazoi shifrat më pas dhe Vllaznia siguroi kalimin në çerekfinale të Kupës së Shqipërisë.
Një ditë më parë janë kualifikuar për në këtë tur Tirana, Partizani, Laçi, Egnatia, Kukësi dhe Kastrioti. Skuadra e fundit çerekfinaliste është Teuta, e cila mundi 1-0 Erzenin në derbi, falë një goli të Ildi Grudës.
Sipas skemës, 4 çiftet çerekfinaliste janë këto:
Tirana-Kastrioti
Partizani-Vllaznia
Egnatia-Laçi
Teuta-Kukësi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
