Gazeta Si – Klubi i Vllaznisë ka nisur një bashkëpunim me austrikaët e Rapidit të Vjenës. Me ftesën e këtyre të fundit, disa nga përfaqësuesit më të lartë të Vllaznisë, me në krye presidentin Alban Xhaferi, ka qenë ditët e fundit në Vjenë, ku ndoqën nga afër edhe ndeshjen me Salcburgun.
Palët kanë në plan një bashkëpunim konkret, të përqendruar më së shumti te lojtarët e akademisë së Vllaznisë, ku elementët më të spikatur mund të kalojnë te Rapidi. Kjo është edhe aryseja për të cilën drejtori sportiv i klubit austriak, Markus Katzer, do të ndjekë nga afër ekipet e akademisë së Vllaznisë në Shkodër.
Kujtojmë që me Rapidin ka luajtur ish-sulmuesi i Kombëtares, shkodrani Hamdi Salihi, ndërsa Auron Miloti, aktualisht drejtor sportiv i Vllaznisë, është aktivizuar me skuadra të tjera të futbollit austriak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
