Thomas Brdaric është akoma trajneri i Vllaznisë dhe konfirmimi vjen nga brenda klubit. Sponsori Alban Xhaferi deklaroi se është ulur me teknikun gjerman për të qartësuar pozicionin e tij.
“Kishim një presion te madh nga opinioni pas shkarkimit dhe vendosëm që të gjithë bashkë ta rikthejmë trajnerin. Edhe lojtarët na e kërkuan dhe pasi u menduam sërish pas shkarkimit vendosëm ta rikthejmë. Shpresojmë që të mësojmë nga gabimet dhe te përmirësohemi”, deklaroi Xhaferi.
Gjatë 5 ndeshjeve të fundit të kampionatit, Vllaznia ka marrë vetëm 2 pikë nga 15 të mundshme, me 3 humbje dhe 2 barazime, ku nga +7 pikë para vendit të dytë që ishin para disa javësh, tani rrezikojnë jo vetëm të humbin kreun e klasifikimit, por edhe zonën europiane.
Bërdariç e mori drejtimin e Vllaznisë në verë dhe i befasoi të gjithë me atë ecuri në gjysmën e parë të kampionatit. Shkarkimi i gjerman shkaktoi indinjimin e shumë tifozëve shkodranë, që kanë nxituar ti japin mbështetjen gjermanit, të cilit i njohin meritën e shndërrimit të një skuadre që luftonte për mbijetesë, në një skuadër pretendente.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
