Gazeta Si – Granit Xhaka është shpallur futbollisti më i mirë për vitin 2022 në Zvicër. Mesfushori shqiptar që luan për helvetët ka dalë përpara portierit Jan Somer, i cili sapo ka kaluar te Bajern Mynih, dhe mbrojtësit Manuel Akanji të Mançester Sitit.
Është hera e dytë që kapiteni i Zvicrës e fiton këtë çmim. Për herë të parë e ka fituar në vitin 2017. Xhaka ka qenë një nga lojtarët më të rëndësishëm për Zvicrën, falë përvojës dhe kualiteti që ka. Ai po bën shumë mirë këtë sezon edhe me Arsenalin, ekipin që kryeson Premier Ligën.
Në momentin e marrjes së çmimit individual, Granit Xhaka u shpreh: “Faleminderit shumë për gjithçka. Faleminderit trajnerit, familjes dhe gjithë njerëzve që besuan tek unë, por edhe për njerëzit që nuk besuan”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
