Presidentja e Kosovës, Vjosa Osmani ka komentuar së fundmi pjesëmarrjen e pjesëtarëve të Forcës së Sigurisë së Kosovës në stërvitjet e përbashkëta ushtarake me ushtrinë e amerikane. Osmani ka shkruar në Twitter se ndërkohë që Kosova dhe vendet e rajonit po e bëjnë këtë, Serbia po e forcon ndikimin e Kremlinit duke bërë stërvitje ushtarake me ushtrinë ruse.
“Kosova dhe vendet e tjera në rajon po marrin pjesë në stërvitjet e përbashkëta ushtarake me ushtrinë e ameriakane (Defender21), Serbia po forcon ndikimin e Kremlinit dhe po destabilizon rajonin duke organizuar një stërvitje të përbashkët me ushtrinë ruse”, ka shkruar Osmani.
Forcat e Sigurisë së Kosovës po zhvillojnë operacione në kuadër të stërvitjet me forcat amerikane, “Defender Europe 21”. Gati 350 pjesëtarë të Forcës të përfshirë në “Defender Europe 21” e cila ka filluar në Kosovë më 17 maj.
Ushtrimi më i madh ushtarak i Shteteve të Bashkuara të Amerikës që nga Lufta e Dytë Botërore ka përfshirë për herë të parë dhe Kosovën dhe më 3 qershor pritet të përfundojë ridislokimi i pjesëtarëve të Forcës nëpër kazermat e përhershme në Kosovë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
