.png)
Inflacioni, (emër); një rritje e qëndrueshme e çmimeve
Inflacioni ka rifituar pozicionin e tij si armiku i ekonomisë, pas 40 vitesh mungesë. Me çmimet e rritura në 10% në SHBA, Europë dhe Britani, brezat e rinj po shqetësohen për kostot e tyre të jetesës dhe profesionet, në të ardhmen.
Ata e urrejnë.
Presidenti i SHBA Joe Biden e quajti inflacionin si “armë të ekzistencës sonë”, duke e bërë reduktimin e tij prioritetin e tij kryesor ekonomik. Ai hapi rezervat strategjike të naftës në SHBA në një përpjekje për të ulur çmimet e naftës. Në Europë, udhëheqësit fajësuan fillimisht pushtimin e Ukrainës nga Vladimir Putin dhe më pas, duke kuptuar se duhej të bënin më shumë, subvencionuan faturat e energjisë për të minimizuar krizën e kostos së jetesës.
Bankat qendrore nuk flasin më për moderime dhe arritje, por janë bashkuar kundër bishës. Ata kanë bërë rritjen më të sinkronizuar ndonjëherë të normave të interesit.
Efekti i pa përmendur i një politike monetare të shtrënguar është vuajtja e familjarëve dhe kompanive, pasi janë shumë të frikësuar për të kërkuar paga më të larta ose të presin që klientët e tyre të pranojnë çmime më të larta. Prandaj, çmimet e larta në vitin 2022 ka të ngjarë të jenë katalizatori i recesionit në 2023, edhe pse normat totale të inflacionit po fillojnë të bien.
Për të ardhmen, ekonomistët kanë rimësuar nevojën e të pasurit frikë inflacionin dhe parandalimin e emergjencave. Ata që argumentojnë se bankat qendrore duhet të synojnë norma më të larta inflacioni prej rreth 4 përqind janë tërhequr (pjesërisht). Ndërsa është e pamundur të ndalohet çdo rritje e çmimeve, veçanërisht pas një pandemie ose një lufte të madhe, rritja e inflacionit të përgjithshëm në vitin 2022 ka nxjerrë në pah edhe një herë përfitimet e stabilitetit të çmimeve./FinancialTimes/Përshtati: Gazeta ‘SI’
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
