Gazeta Si – Portieri i Tiranës dhe Kosovës, Visar Bekaj, ka mbyllur transferimin në Turqi, ku do të veshë fanellën e Hatayasporit. Një skuadër kjo që është pjesë e elitës së futbollit turk, por që sezonin e fundit u tërhoq nga kampionati për shkak të tërmetit që goditi qytetin.
Portieri 26-vjeçar ka kaluar me sukses testet mjekësore dhe klubi turk e ka zyrtarizuar si përforcimin e radhës me një postim në rrjetet sociale. Mbyllet kështu pas 3 sezonesh aventura e Bekajt me Tiranën, ku ai u shpall kampion i Shqipërisë.
Superiorja humbet një nga portierët më të mirë, ndërsa vetë sportisti bën një hap përpara në karrierë me kalimin në Turqi. Ai do të stërvitet te Hatayaspor nga Vollkan Demirel, ish-portieri i njohur turk.
Tirana ndërkohë ka afruar këtë vetë portierin Gentian Selmani, i cili gjithashtu ka pasur një eksperienë në futbollin turk dhe është grumbulluar edhe nga Kombëtarja kuqezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
