Policia e Korçës ka goditur dy raste në dy lokale të ndryshme në Korçë, pasi dyshohej se organizonin ilegalisht veprimtari të lojërave të fatit
Një 38-vjeçar është arrestuar, pasi në lokalin e tij të paregjistruar në organet tatimore, vinte baste sportive nëpërmjet celularit.
Nga kontrollet është arrestuar Theofan Xheka 38 vjeç, pronar i njërit prej lokaleve ku viheshin baste sportive, me celular.
Ndërkohë që në një tjetër lokal u ndalua për të njëjtin shkak një 26 vjeçar, i cili do të procedohet në gjendje të lirë.
Celularët që i shërbenin kësaj veprimtarie të paligjshme, u sekuestruan në cilësinë e provës materiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
