Gazeta Si – Viktor Osimhen, sulmuesi që po udhëheq Napolin drejt titullit kampion në Serinë A, është në shënjestrën e Mançester Junajtid. Lajmi bëhet i ditur nga ‘Manchester Evening News’.
Bomberi nigerian është në majën e listës së lojtarëve që trajneri Erik ten Hag ka për sezonin e ardhshëm. Holandezi që drejton ‘Djajtë e kuq’ kërkon të paktën dy përforcime të rëndësishme për të kompletuar skuadrën gjatë merkatos së verës.
Përveç 24-vjeçarit Osimhen, në listën e lojtarëve të kërkuar nga ten Hag është edhe mesfushori-sulmues Mohamed Kudus, 22-vjeçari ganez që luan me Ajaksin aktualisht.
Për sulmuesin e Napolit nuk është hera e parë që bien ‘sirenat’ e Premier Ligës. Ai është një nga emrat më të lakuar në merkato dhe interesimi më i madh vjen nga klubet angleze, që për momentin janë më të fuqishme financiarisht. Me atë që po tregon këtë sezon, Osimhen duket se shumë shpejt do të lërë Serinë A për futbollin ishullor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
