.png)
Gazeta Si – Klajdi Lleshi, 21 vjeç, është arrestuar, pasi kishte kryer vjedhje të disa automjeteve në lagje të ndryshme të Durrësit dhe zona të ndryshme të qarkut të Dibrës.
Sipas policisë, i riu me banim në Bulqizë kishte vjedhur 4 automjete të markave: “Benz”, “Toyota”, “Volkswagen” dhe “Ford Focus”.
Policia njofton se ka sekuestruar makinat e vjedhura. Burime bëjnë me dije se 21-vjeçari i vidhte makinat për t’i shitur tek persona me precedentë penalë për krime të ndryshme që mund të kishin në plan të kryenin.
Arrestimi i tij u bë pak minuta pasi kishte vjedhur një automjet në Bulqizë, nga ku tentoi t’i largohej policisë në drejtim të Tiranës. Pas arrestimit u zbulua se kishte vjedhur edhe 3 automjete të tjera në Durrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
