Myrto Uzuni ka hyrë në historinë e futbollit hungarez. Futbollisti i Kombëtares shqiptare ka shënuar plot 6 gola në fitoren 0-9 të Ferencvaroshit në Kupë ndaj një ekipi të kategorive inferiore. Beratasi ka pushtuar sot shtypin sportiv me këto 6 gola, sepse në Hungari nuk ndodhte diçka e tillë prej vitit të largët 1960.
Florian Albert, i njohur në Hungari si “Perandori”, në atë vit realizonte 6 gola për Ferencvaroshin ndaj Debrecenit, duke vendosur një rekord absolut, që pas kaq shumë vitesh është barazuar nga Myrto Uzuni, sulmuesi kuqezi që po bën për vete gjithë Hungarinë.
Një ditë e veçantë ishte sot për Tomas Strakoshën, portierin e Kombëtares, që vinte pas gafës në Turqi, në Ligën e Europës. Tifozët e Lacios e kanë befasuar gjatë ndeshjes me Kaljarin, duke i kushtuar një banderolë dhe duke thirrur në kor emrin e tij. Një gjest shumë i bukur ky, që e ka prekur jo pak Strakoshën në stol.
Olè olè olè olè Tomas Tomas ⚪🔵🦅#LazioCagliari #Strakosha pic.twitter.com/egEiZCcupG
— Sentimpò🦅🍻🏆 (@Sentimp1) September 19, 2021
“Non ti curar di loro, ma guarda e para. Daje Strakosha (Mos mendo për ta, por shiko përpara dhe prit. Forca Strakosha”, – shkruhej në banderolën e madhe të tifozëve të Lacios. Strakosha qëndroi në stol në këtë ndeshje, që përfundoi në barazim, 2-2. Futbollisti tjetër i Kombëtares, Elseid Hysaj, luajti 90 minuta.
Ka debutuar sot me fanellën e Specias në Serinë A sulmuesi Rei Manaj, i cili u aktivizua në minutën e 70-të të ndeshjes me Venecian. Specia e tij fitoi me rezultatin 1-2. Po ashtu, titullarë ishin me Empolin mbrojtësi Ardian Ismajli dhe mesfushori Nedim Bajrami në humbjen 0-3 ndaj Sampdorias. Kumbulla qëndroi në stol te Roma në humbjen 3-2 në fushën e Veronës.
Z cyklu warianty wytrenowane 😎 Ernest Muci strzela dla @LegiaWarszawa gola numer 2⃣🔥
— CANAL+ SPORT (@CANALPLUS_SPORT) September 19, 2021
📺 Mecz trwa w CANAL+ PREMIUM i @canalplusonline pic.twitter.com/HkCG63xzCT
Vazhdon momenti i mirë për Ernest Muçin te Legia e Varshavës. Sulmuesi kuqezi luajti titullar në kampionatin polak ndaj Lecznas dhe shënoi golin e dytë në fitoren 3-1 të skuadrës së tij. Në fund pati minuta edhe për Jurgen Çelhakën, mesfushorin që pak kohë më parë ka kaluar te Legia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
