Janë luajtur ditën sotme 5 ndeshjet e radhës, për sa i përket javës së 28-të në Kategorinë Superiore. Tirana kryesuese ka fituar 0-5 në Gjirokastër dhe vazhdon kështu edhe më e sigurt marshimin drejt titullit kampion. Cobbinah, Vangjeli, Hasani, Batha me penallti dhe Dunga i dhanë një trepikësh të rëndësishëm skuadrës së Egbo, që shkon 59 pikë dhe ruan distancën e 9 pikëve me Kukësin.
Në kryeqytet, sakaq, Partizani-Kukësi prodhoi 4 gola. Abazaj, në fund të pjesës së parë realizoi golin e parë duke zhbllokuar supersfidën në “Selman Stermasi”. Në minutën e 52-të, dyfishohet rezultati. Mbrojtësi Boldor shënon në portën e tij. Kukësi ka shënuar edhe golin e tretë në minutën e 62-të, me anë të Ethemit, i cili kalon Teqen me një parabolë mjaft të bukur. Solomon rihapi sfidën, 15 minuta nga fundi.
Laçi dhe Vllaznia, përfundoi 5-2, ku kurbinasit kanë shënuar me Markun, Deliun, Ignjatovic, Prengaj dhe Rapo. Për shkodranët shënuan Zogaj dhe Lika. Skënderbeu ka fituar 1-0 në Vlorë, duke zyrtarizuar rënien matematikisht nga kategoria të ekipit vlonjat. Në ndeshjen tjetër, Bylisi fitoi 1-0 ndaj Teutës.
KATEGORIA SUPERIORE – JAVA 28
Luftëtari-Tirana 0-5
Shënues: Vangjeli 3’, Cobbinah 20′, Hasani 42′, Batha 66′, Dunga 77′
Bylis-Teuta 1-0
Shënues: Goxha 90′
Laçi-Vllaznia 5-2
Shënues: Marku 17’, Deliu 34’, Ignjatovic 79′, Prengaj 84’, Rapo 90+3’/ Zogaj 50’, Lika 82′
Flamurtari-Skënderbeu 0-1
Shënues: Gripshi 59′
Partizani-Kukësi 1-3
Shënues: Solomon 72’/ Abazaj 45′, Boldor 50′ (aut.), Ethemi 60′
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
