.png)
Gazeta Si - Ashtu siç ishte parashikuar nga policia gjermane, incidente të shumta janë shënuar para sfidës së Grupit C mes Anglisë dhe Serbisë.
Tifozët serb, kanë djegur flamurin kuqezi të Shqipërisë dhe atë të Anglisë, duke shkaktuar tym dhe kaos në rrugë.
"Para ndeshjes mes Serbisë dhe Anglisë në Gelsenkirchen, në zonën e tifozëve ka pasur kaos dhe në një moment flamuri shqiptar është djegur", - shkruan media serbe "Nova.rs".
Mediet serbe thonë se një tifoz me flamurin kuqezi është parë mes shumë serbëve, me këta të fundit që kanë marrë flamurin dhe e kanë djegur së bashku me atë anglez.
Disa orë përpara ndeshjes Angli-Serbi, ka shpërthyer edhe dhuna mes tifozerive respektive. Tre tifozë anglezë janë gjakosur pas përleshjeve me huliganët. Policia ka ndërhyrë dhunshëm ndaj huliganëve jashtë një lokali në Gelsenkirchen, ndërsa dhuna shpërtheu për herë të parë këtë pasdite.
Oficerët hynë pasi tifozët anglezë dhe serbë u përfshinë në përplasje të forta jashtë një restoranti pak pas orës 15:30. Ajo vjen përpara ndeshjes që do të luhet mbrëmjen e sotme në orën 21:00.
Tavolina, karrige dhe shishe dukej se ishin hedhur mes dy grupeve të tifozëve. Nuk ishte e qartë menjëherë se çfarë e shkaktoi përplasjen e dhunshme, por një burrë – që besohet se ishte anglez – u pa duke u larguar me gjak që i rridhte në fytyrë.
Dëshmitarët raportuan se një grup njerëzish ‘të maskuar’ filluan të hidhnin shishe. Një dëshmitar okular i tha MailOnline: “Kishte një shpërthim të papritur dhune. Doli nga hiçi.
“Ishte e paqartë se kush e filloi atë. Por mua më dukej sikur një grup tifozësh anglezë nxituan në lokalin ku po pinin serbët dhe gjithçka filloi me tavolina, karrige dhe shishe të hedhura.
“Një burrë i rridhte gjak nga një plagë në kokë – besoj se ishte anglez". Një tifoz u pa i përkulur në tokë, ndërsa goditej me shkelma nga rivalët përpara se policia të ndërhynte.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
