Lacio e Strakoshës dhe Hysajt është dorëzuar përballë Interit, që pas fitores 2-1 ka marrë sërish kryesimin e Serisë A, duke kaluar me një pikë Milanin, madje edhe me një ndeshje më pak.
Portieri i Kombëtares, Tomas Strakosha, ka bërë një ndeshje shumë të mirë, pavarësisht dy golave të pësuar. Ai e mbajti në lojë Lacion deri në fund me të pkatën dy pritje vendimtare. Strakosha ka marrë vlerësime të larta nga shtypi italian, që i ka vendosor notën 7.
Për Lacion Strakosha sigurisht që ishte më i miri në fushë, por edhe nga lojtarët e Interit notë më të lartë ka marrë vetëm Bastoni (7.5). Hysaj, i cili u ndërrua në minutat e fundit, ka marrë notën 5.5, çka tregon se paraqitja e tij ishte e dobët.
Interi ndërkohë e ka nisur 2022-shin me një fitore të rëndësishme. Skuadra e Inzagit triumfoi në “San Siro” me golat e Bastonit dhe Shkriniar, ndërsa për Lacion barazoi përkohësisht Imobile. Për Interin ishte fitorja e tetë radhazi në kampionat dhe kuotat e titullit po rriten ndjeshëm për zikaltrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
