Me një gol të holandezit Dumfries pas 30 minutash lojë, Interi ka mundur sot 1-0 Torinon në “San Siro”, në ndeshjen e fundit të vitit, ku ka regjistruar fitoren e shtatë radhazi.
Fillimi i ndeshjes ishte i mirë për Torinon, që iu afrua golit me Pjacën. Pastaj, pas një kundërsulmi, ka ardhur goli i zikaltërve, që mban firmën e holandezit Dumfries, i cili realizoi me një diagonaleje precize.
Në pjesën e dytë Torino u përpoq të barazonte, por Interi u mbrojt me shumë kujdes dhe në fundin e ndeshjes goditi shtyllën me Aleksis Sançez. Skuadra e drejtuar nga trajneri Simone Inzagi duket një makineri, që funksionon në mënyrë përfekte. Interi kryeson Serinë A, me 46 pikë, i ndjekur nga Napoli dhe Milani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
