Gazeta Si – Dy persona janë arrestuar në Korçë për shpërndarje të kokainës dhe posedim të armëve të ftohta, ndërsa një tjetër është nën hetim.
Policia tha se janë prangosur një 55-vjeçar, I.B., nga fshati Ravnik në Korçë dhe një 35-vjeçar, L.L., nga Korça.
Ndërsa për një 41-vjeçar, E. Ll., nga fshati Ravonik, filloi procedimi penal në gjendje të lirë, pasi kishte dijeni për veprimtarinë kriminale që ushtronin 2 të arrestuarit, por nuk ka kallëzuar në polici.
Gjatë kontrollit të banesës së të dy të arrestuarave, u gjetën rreth 500 gramë kokainë, një pjesë e saj e ndarë doza, 2 peshore elektronike, mjete që shërbenin për ndarjen e kokainës në doza, shuma parash në valuta të ndryshme, të dyshuara të përfituara nga veprimtaria kriminale, një bajonetë metalike, një thikë, një automjet tip “Nissan” dhe 4 celularë, të cilët u sekuestruan në cilësinë e provës materiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
