.png)
Gazeta Si – Të paktën 40-60 makina u përfshinë në aksidente trafiku në autostradën I-55 në Illinois të SHBA-ve për shkak të një stuhie rëre.
Autoritetet lokale kanë konfirmuar vdekjen e të paktën 6 personave, pa dhënë një numër të saktë, duke thënë se të paktën 30 të tjerë janë dërguar në spital. Të paktën dy furgonë morën flakë pas një prej incidenteve.
🚨#BREAKING: Dust storm leads to catastrophic 100+ vehicle pileup with multiple severe to critical injuries
— R A W S A L E R T S (@rawsalerts) May 1, 2023
📌#Farmersville | #Illinois
Currently, Numerous emergency personnel have responded to a significant vehicular pileup occurring in the southern region of Springfield,… pic.twitter.com/nnQeXxOtVg
Autostrada u mbyll në të dy drejtimet në Montgomery County, 75 milje (120 kilometra) në veri të St.Louis.
“Shkaku i përplasjeve janë erërat e tepërta që fryjnë papastërtitë nga fushat e fermave përgjatë autostradës, duke çuar në dukshmëri zero”, – tha Majori i Policisë së Shtetit të Illinois, Ryan Starrick në një konferencë shtypi.
Starrick tha se stuhi të tilla verbuese pluhuri kanë ndodhur tashmë në rrugët e Illinois, “ku fatkeqësisht ka erëra tepër të forta” që fryjnë sipërfaqen e tokës jashtë fushave.
Fermerët aktualisht janë të zënë me mbjelljen e fushave në të gjithë Illinois dhe në rajonin e Midwest. Starrick tha se I-55 do të jetë e mbyllur deri në mëngjes vonë ose herët pasdite të martën.
“Dukshmëria në zonë thuhet të jetë e ulët për shkak të fryrjes së pluhurit”, tha më herët në një deklaratë policia e shtetit të Illinois. “Trafiku është devijuar në rrugë alternative”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
