.png)
Gazeta Si – Rei Manaj ishte sot protagonist në fitoren 2-0 të Specias kundër Kaljarit në javën e 29-të të Serisë A. Sulmuesi i Kombëtares shënoi golin e dytë të ndeshjes, duke vulosur një fitore shumë të rëndësishme për skuadrën e tij.
Manaj nuk e nisi titullar këtë ndeshje, ai u aktivizua në pjesën e dytë nga trajneri Mota dhe 6 minuta pasi kishte hyrë në fushë realizoi me një veprim tipik të një sulmuesi zone: kontroll i mirë i topit, rrutullim dhe gjuajtje precize. Pastaj edhe një karton i verdhë për heqjen e fanellës pas golit.
Ishte një gol me peshë në një ndeshje shumë delikate për Specian, që vinte pas 4 humbjesh radhazi, ndërsa tani është ngjitur në kuotën e 29 pikëve, duke iu larguar zonës së ftohtë të rënies.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
