Rei Manaj ka konfirmuar momentin e mirë që po kalon në Serinë A. Sulmuesi i Kombëtares shqiptare dhe Specias ka realizuar ndaj Bolonjës në transfertë, në ndeshjen e vlefshme për javën e 26-të të kampionatit italian.
⚽️ Rey Manaj ✔️pic.twitter.com/WLxS8qD8Ct
— Football Albanais (@FutbolliShqipFR) February 21, 2022
Manaj e nisi ndeshjen si titullar dhe vetëm pas 11 minutash zhbllokoi rezultatin, duke i dhënë avantazhin Specias. Ai fitoi dyluftimin ajror me një mbrojtës të Bolonjës dhe goditi saktë me kokë brenda zonës, pas një korosimi nga e majta.
Gjatë pjesës së parë Manaj u ndëshkua edhe me karton të verdhë, ndërkohë që Bolonja arriti të barazojë. Ndeshja u mbyll me fitoren e Bolonjës, 2-1, me dopietën e Arnautoviç. Manaj u zëvendësua 10 minuta para fundit dhe mori vlerësime si nga shtypi sportiv italian, ashtu edhe nga trajneri i tij, Tiago Mota.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
