Karlo Ançeloti rikthehet të ngrejë lart kupa, Reali i tij ka mundur 2-0 Atletik Bilbaon në finalen e Superkupës së Spanjës, që u zhvillua sot në Riad, duke e fituar këtë trofe për herë të 12-të në histori.
Madrilenët i dhanë fund rezistencës së baskëve pas 38 minutash, kur Luka Modriç tundi rrjetën me një të djathtë precize. Në pjesën e dytë ishte Karim Benzema që dyfishoi shifrat me penallti, ndërsa në fundin e ndeshjes portieri Kurtua ndali Raul Garsian nga pika e bardhë, pas penalltisë së shkaktuar nga Militao, i cili u ndëshkua me karton të kuq.
Real Madrid fiton kështu trofeun e parë të sezonit. Në gjysmëfinale skuadra e Ançelotit eleminoi Barcelonën në një ndeshje që shkoi në shtesë, ndërsa sot e pati më të lehtë. Një ekip ekspert si Reali rrallë gabon kur bëhet fjalë për finale dhe për trofe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
