Gazeta Si – Një makinë goditi një fuoristradë të shërbimit sekret që ruante autokolonën e presidentit të Shteteve të Bashkuara të Amerikës.
Ngjarja ndodhi më 17 dhjetor në Wilmington, në shtetin e Delaware, ndërsa Joe Biden po largohej nga selia e tij e fushatës zgjedhore së bashku me bashkëshorten, Jill. Policia ndaloi burrin që drejtonte mjetin dhe e urdhëroi të ngrinte duart lart.
Numri një në Shtëpinë e Bardhë mbeti i padëmtuar dhe së bashku me gruan e tij Jill Biden u dërguan në shtëpi.
Biden e pa skenën me një shprehje të habitur dhe më pas u shoqërua në makinën e tij i rrethuar nga agjentë në rezidencën e tij në Delaware. Nuk janë zbardhur ende rrethanat e aksidentit.
Pamjet televizive treguan agjentë të shërbimit sekret që shoqëronin Biden në makinën e tij pas përplasjes. Makina e cila pësoi dëmtime në parakolp, u rrethua shpejt nga oficerët e sigurisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
