Deri 18 minuta para fundit të ndeshjes me Vllazninë, që u luajt në “Loro Boriçi” të Shkodrës, Partizani ishte duke shijuar fitoren e radhës, pas asaj në derbin me Dinamon. Emiljano Musta shënoi që në pjesën e parë një gol të bukur nga jashtë zonës dhe të kuqtë ishin në avantazh, por në atë moment gjithçka ndryshoi.
Ishte pikërisht Musta ai që shënoi në portën e tij dhe ndezi shpresat e Kukësit për fitore në këtë duel delikat. Futbollisti elbasanas ktheu një top prapa pa e ngritur kokën, me qëllimin që ta largonte portieri Teqja, por ky i fundit nuk ishte në një mendje më te. Portieri i Partizanit kishte dalë nga porta dhe topi përfundoi në rrjetë. Cara dhe Mala kishin humbur ndërkohë rastet për ta çuar rezultatin në 2-0.
Kukësi mori zemër nga barazimi dhe pas disa minutash gjeti edhe golin e fitores me kapitein Gjelbërim Taipi, i cili goditi fuqishëm me të majtën dhe tundi rrjetën e portës së Partizanit. Një fitore 2-1 me përmbysje për skuadrën e Longos, që ngitet në kuotën e 27 pikëve dhe merr vendin e parë të paktën për pak orë. Partizani mbetet në kuotën e 18 pikëve.
Vazhdon serinë e fitoreve Laçi, që sot ka mundur Egnatian në Rrogozhinë, me rezultatin 0-2. Zarubica dhe Guindo i shkaktuan humbjen e radhës Egnatias, që pas largimit të trajnerit Gugash Magani nuk ka marrë më asnjë pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
