Nju Jork Siti FC ka fituar “Mls Cup 2021”. Skuadra e trajnerit Deila ka mundur Portland Timbers në finalen e luajtur në “Providence Park”, ku gjithçka u vendos nga penalltitë (5-3), pasi 120 minutat përfunduan 1-1.
Ishin vendimtare pritjet e portierit Xhonson ndaj Moras dhe Valerit, si dhe penalltia e realizuar nga Kalens për Nju Jorkun.
A promise kept ✅ pic.twitter.com/uhmwGNduof
— New York City FC (@NYCFC) December 12, 2021
Roni Deila, një ish-futbollist norvegjez jo shumë i suksesshëm dhe që më parë ka drejtuar edhe Selltikun, në 2020-ën u bë trajner i Nju Jork Sitit. Ai në atë kohë u premtoi tifozëve se do të festonte me të mbathura, nëse skuadra e tij do të fitonte kampionatin.
U tha, u bë. Videoja ku ai shfaqet pas festës me trofeun, duke u zhveshur dhe më pas duke bërë 10 pompa, është bërë menjëherë virale në rrjetet sociale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
