Një nisje të ndeshjes më të keqe nuk mund të kishte për kuqezinjtë: tre kartonë të verdhë brenda 10 minutash për gabime të Abrashit, Bares dhe Hysajt. Më pas edhe goli i Levandovskit dhe 1-0. Por pas këtij momenti situata ka ndryshuar dhe Kombëtarja jonë e ka kaluar ngërçin.
Kuqezinjtë e kanë spostuar lojën në gjysmëfushën polake dhe kanë barazuar me anë të Cikalleshit. Një gol shumë i bukur i kavajasit, pas një pasimi të saktë të Gjasulës, ndërsa Manaj më pas i është afruar dy herë golit të dytë, por është ndalur nga Shezni.
GOAL CIKALLESHI #POLALB #WCQualifiers pic.twitter.com/VJmw0hPWT4
— 𝖬𝖱 ✞ (@Geri96ACMOM) September 2, 2021
Në momentin tonë më të mirë, në fundin e pjesës së parë, Polonia ka gjetur sërish golin me Buksan, edhe ai pas një goditjeje me kokë. Topi është përplasur në shtyllë dhe pastaj ka përfunduar në rrjetën e Berishës. Pjesa e parë është mbyllur 2-1.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
