.png)
Gazeta Si – Moti i keq në veri të Italisë. Një stuhi e fortë goditi Milanon gjatë natës. Shiu i pandërprerë filloi pak pas orës 4 të mëngjesit të këaj të marte.
Në orën 6, siç njoftoi Këshilltari i Bashkisë për Sigurinë, lumi Seveso ka vërshuar duke shkaktuar përmbytje dhe duke krijuar shqetësime të mëdha në qarkullim.
Uji pushtoi rrugët në zonat e Niguarda dhe Ca’ Granda. Gjithashtu janë përmbytur nënkalimet Testi, Negrotto dhe Rubicone.
Sipas autoriteteve lokale, ka pasur mungesë të enregjisë elektrike në zonën midis Maggiolina dhe Niguardas.
Komunitetet e vendosura në parkun Lambro janë evakuuar si masë paraprake për shkak të rritjes së ujërave të lumit me të njëjtin emër.
Përmbytje ka pasur edhe në Brianza, u bllokua aksi Milano-Meda. Situata në Liqenin e Komos është shqetësuese, pasi është afër përmbytjes.
Patrullat e policisë lokale mbyllën rrugët e përmbytura. Viale Fulvio Testi, një arterie e rëndësishme hyrëse në qendrën e qytetit nga veriu, është e mbyllur.
Është bllokuar edhe Viale Sarca, me makina të ndaluara në nënkalim. Ndërprerje të trafikut edhe në Sesto San Giovanni, ku nënkalimi për të arritur në stacion është i paarritshëm për shkak të përmbytjeve.
Parashikimi i motit tregon prirje drejt përmirësimit, me reshje që gradualisht zbehen dhe reduktohen duke filluar nga sektorët perëndimorë.
Erërat e dobëta perëndimore në zonat fushore, do jenë me përforcime mesatare deri në orët e para të pasdites, sidomos në zonat lindore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
