.png)
Në ditën e dytë të grupit E të Euro 2020, Spanja barazoi 1-1 me Poloninë dhe pas rezultatit 0-0 me Suedinë në debutimin e tyre, ata duhet të mundin Sllovakinë për të shmangur një eliminim të bujshëm. Spanjollët kalojnë në epërsi me Moratën në minutën e 26-të, ndërsa Sviderski ndalet nga shtylla në minutën e 42-të.
Në minutën e 54, Levandovski gjen golin e barazimit me një goditje me kokë dhe në të 58-ën, Gerard Moreno merr dhe humbet një goditje 11-metërshi (shtyllë). Në finale, portieri Shezni me pritjet e tij shpëton polakët.
Ndryshe nga ndeshja e parë, skuadra e Luis Enrikes sulmoi më shumë dhe krijoi raste, para së gjithash me Alvaro Moratan, i cili ishte protagonist në disa prej tyre.
Sulmuesi i Juventusit gjeti golin në minutën e 25-të falë ndërhyrjes nga VAR-i pas një krosimi në zonë që dyshohej se ishte në pozicion të parregullt.
Polakët përgjigjen me Sviderskin, me një goditje që përfundon në shtyllë. Në pjesën e dytë, bardhekuqtë arrijnë të barazojnë me të zakonshmin Levandovski.
Sulmuesi shënon golin e tij të parë në këtë Europian, por katër minuta më pas Spanja fiton një 11-metërsh falë ndihmës së VAR-it. Moreno godet nga pika e bardhë në shtyllë, topi kthehet tek Morata, i cili me portën bosh e dërgon jashtë.
Rastet e iberikëve nuk mungojnë në portën e Sheznit, por ndeshja përfundon 1-1. Barazimi i dytë radhazi, por shumë pak për Spanjën, me 2 pikë në grup, e cila rrezikon kualifikimin në 1/16-at.
Ndeshja e fundit në grup me Sllovakinë në 23 qershor do të jetë vendimtare për “La Roja”-n, ku vetëm fitorja i bën punë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
