Milani e mori një asist që të shtunën në mbrëmje, kur Interi u ndal nga Napoli në barazim 1-1. Dhe sot, përballë Sampdorias, nuk mund të gabonte kurrsesi. Ndeshja u vendos nga një gol i portugezit Rafael Leao vetëm pas 8 minutash lojë.
Në ‘lunch match’-in të javës së 25-të të Serisë A, Milan fitoi 1-0 dhe u ngjit në kuotën e 55 pikëve, +1 nga Interi (që ka një ndeshje më pak, atë me Bolonjën).
Në “San Siro” gjithçka u zgjidh shumë shpejt, me Leaon që shfrytëzoi një rivënie të gjatë të topit në lojë nga portieri Maignan dhe mposhti Falkonen, më i miri në fushë për Sampdorian në këtë ndeshje. Gara e titullit hapet plotësisht dhe Milani duket mjaft i karikuar.
Mesias dy herë dhe Zhiru iu afruan golit të dytë për Milanin, por pa mundur ta gjenin atë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
