Gazeta Si – Tjetër fitore për Liverpulin ndaj Vilarrealit, këtë herë me përmbysje, 2-3. Anglezët bëhen kështu skuadra e parë finaliste e Ligës së Kampionëve, pasi edhe ndeshjen e pare e fituan 2-0. Tani presin të mësojnë fituesin e çiftit tjetër Real-Madrid-Mançester Siti për finalen e 28 majit në Paris.
Në Spanjë Liverpuli nuk e pati edhe aq të lehtë, pavarësisht se në fund bëri diferencën. Dia dhe Kokelin shkaktuan jo pak panik në radhët e Liverpulit, që në pushimin e ndeshjes shkoi në disavantazh të dy golave, ndërsa lojtarët e Vilarrealit, të mbështetur edhe nga publiku, morën zemër. Por në pjesën e dytë skuadra e trajnerit Jurgen Klop i tregoi limitet “nëndetëses” spanjolle.
Brenda 12 minutash anglezët përmbysën gjithçka nga 2-0 në 2-3. Fabinjo shkurtoi diferencën me një diagonale nga e djathta, më pas Diaz, i futur në fushë si zëvendësues, barazoi shifrat, ndërsa Mane i dha avantazhin Liverpulit, duke e çuar topin në portën e boshatisur. Dhe këtu gjithçka përfundoi. Spanjollët u bënë pak nervozë dhe e mbyllën me 10 vetë, pas ndëshkimit me të kuq të Kapo.
Vilarreal-Liverpul 2-3
Vilarreal (4-4-2): Ruli, Foith, Albiol (Aurier), Pau Torres, Estupinjan (Trigueros), Lo Selso, Parejo, Kapo, Kokelin (Pedraza), Gerard Moreno (Çukueze), Dia (Alkaser). Trajner: Emeri
Liverpul (4-3-3): Alison, Aleksander-Arnold, Konate, Van Dijk, Robertson (Tsimikas), Keita (Henderson), Fabinjo, Tiago Alkantara (Xhons), Salah, Diogo Jota (Luis Diaz), Mane. Trajner: Klop
Arbitër: Mekeli (Holandë)
Shënues: 3′ Dia, 41′ Kokelin, 62′ Fabinjo, 27′ Luis Diaz, 74 Mane
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
