Partizani ka fituar derbin e kryeqytetit,duke mposhtur Tiranën ne shifrat 2-1 Bardheblutë kështu i japin fund ecurisë pozitive me 3 fitore radhazi, ndërsa të kuqtë lënë pas mini-krizën duke u rikthyer bindshëm në një prej sfidave më të rëndësishme të sezonit.
Skuadra e Ilir Dajës shënoi e para me anë të mbrojtësit Egzon Belica, pas një goditjeje këndi, por barazimi erdhi shpejt me një supergol të Hoxhallarit nga goditja e dënimit.
Pjesa e dytë do të niste edhe njëherë me ritme të ulëta, por në të 59-ën, asisiti i Çinarit për Jurgen Bardhin bëri që ky i fundit të përmbyllte në mënyrë perfekte aksionin e Partizanit që rimori avantazhin.
Në minutën e 69-të, Tiranës i anulohet goli i Grent Halitit, për pozicion jashtë loje të Seferit, i cili shërbeu për shokun e tij të skuadrës.
Tiran nuk ia doli dot të shënonte golin e barazimit dhe të kuqtë morën tre pikë me vlera, që i ngjitin në vendin e dytë për momentin.
TIRANA-PARTIZANI 1-2
39′ Hoxhallari / 30′ Belica, 59′ Bardhi
Tirana: Bekaj, Vangjeli, Behiratçe, Hoxhallari, Toshevksi (81′ Vairinen), Toli (36′ Torasa), Batha, Çelhaka, Ismajlgeci, Kale (60′ Halili), Seferi
Trajner: Orges Shehi
Partizani: Hoxha, Idrizaj, Bitri, Belica, Hakaj, Broja (82′ Mala), Murataj, Bardhi, Asani, Kordeiro, Çinari
Trajner: Ilir Daja
Laçi– Laçi e ka mundur për herë të parë Skënderbeun këtë sezon, me rezultatin e pastër 2-0.
Kurbinasit zhbllokuan sfidën me një goditje nga distanca të fantazistit mentor Mazrekaj, e cila gjeti devijimin nga muri para portës së Dajsinanit dhe përfundoi në rrjetë. Pak minuta më vonë ishte Julian Shehu që shënoi edhe golin e dytë për kurbinasit ,që ngjiten kështu në krye të renditjes me 44 pikë, dy më tepër se Vllaznia e vendit të dytë.
Një tjetër rezultat që zhgënjen pritshmëritë në Durrës e të vetë teknikut Edi Martini, që ka parë skuadrën e tij të humbasë shansin për tu ngjitur në vendin e parë, duke ia lënë atë Lacit. Durrësakët nuk shkojnë dot më shumë se 0-0 në Niko Dovana përballë Kastriotit, që ‘shtrëngohet’ duke ndjerë afrimin e Bylis për të marrë pikë në një transfertë shumë të vështirë.
Me këtë rezultat, durrësakët rikthejnë dominancën e barazimeve, i 12 në këtë kampionat dhe bashkohen me pikë në një treshe kërcënuese pas Lacit, bashkë me Partizanin e Vllazninë, me nga 42 pikë, ndërkohë që Kastrioti mban vendin e 7 me 29 pikë, 7 më shumë se Bylisi i vendit të 8, që momentalisht mbetet në zonën e playout.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
