Kosova ka zhgënjyer në sfidën e parë të Ligës së Kombeve, duke mos shkuar më shumë se një barazim 1-1 në ndeshjen kundër Moldavisë së ish-drejtorit sportiv të Vllaznisë, Engin Firat. Për shkak se këta të fundit nuk e kanë njohur Kosovën si shtet të pavarur, ndeshja u luajt në stadiumin “Ennio Tardini” të Parmës, në Itali.
Kosova kontrolloi ndeshjen që në minutat e para, por Ion Nicoalescu zhbllokoi takimin në minutën e 19-të, duke përfituar nga një top i grushtuar nga portieri Muric. Pjesa e parë u mbyll 0-1 për moldavët, ndërsa në të dytën nisën sulmet e ekipit të Kosovës. Mungesa e Muriqit ndikoi shumë te ekipi, që krijoi lojë por jo shumë raste për të shënuar dhe u zgjua shumë vonë për të synuar fitoren.
Kosova arriti të barazojë rezultatin në minutën e 71-të me Kolollin. Edhe pse rastet nuk munguan deri në fund të sfidës, takimi përfundoi në barazim 1-1. Ndeshja e radhës do të luhet në Prishtinë kundër Greqisë, në datë 6 shtator. Takimi tjetër i grupit, Sllovenia me Greqinë u mbyll 1-1, duke lënë gjithçka të hapur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
