Gazeta Si – Dy persona janë arrestuar në Elbasan, pasi u kapën duke transportuar 7 emigrantë të paligjshëm në dy automjetet e tyre.
Me finalizimin e operacionit “Danubi 7” u arrestuan: N. M., 36 vjeç, banues në Pogradec, pasi u kap, në fshatin Xibrakë, Librazhd, duke transportuar me një automjet, 3 emigrantë të paligjshëm, kundrejt pagesës 50-150 euro për person, të cilët ishin fshehur në bagazhin e makinës.
L. L., 34 vjeç, banues në Korçë, pasi u kap, në aksin rrugor Labinot-Elbasan, duke transportuar me një automjet, 4 emigrantë të paligjshëm, të cilëve iu kishte premtuar kalimin drejt vendeve të BE-së, kundrejt pagesës.
Në cilësinë e provës materiale janë sekuestruar 2 automjetet, 4 aparate celulare dhe një sasi parash e dyshuar e përfituar nga kjo veprimtari e paligjshme, informon policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
