Gazeta Si – Sfida me Romën rezultoi shumë më e thjeshtë nga sa mund të mendohej për Interin, që ka fituar 3-1. Me këtë fitore zikaltrit kanë marrë edhe vendin e parë në Serinë A, me 72 pikë, duke parakaluar Milanin.
Goli i parë për Interin mban firmën e holandezit Dumfris. Më pas ishte radha e kroatit Brozoviç, i kaloi gjithë mbrojtjen e Romës dhe e dërgoi topin në rrjetë me një goditje potente. Menjëherë pas fillimit të pjesës së dytë, Lautaro Martinez e çoi rezultatin në 3-0, duke e mbyllur ndeshjen.
Mkhitarian shënoi golin e nderit për Romën në këtë ndeshje 5 minuta para fundit. Mbrojtësi i Kombëtares, Marash Kumbulla, nuk luajti asnjë minutë ndaj Interit. Edhe këtë herë ai nuk u preferua nga trajneri Mourinjo, i cili ka hequr dorë nga mbrojtësi shqiptar.
Për kuqezinjtë që luajnë në Serinë A vlen të përmendet goli i Rei Manajt me penallti në ndeshjen Torino Specia, 2-1. Sulmuesi realizoi golin e vetëm për skuadrën e tij në kohën shtesë, por që vlen vetëm për statistika. Mungoi dueli i Manajt me Berishën, pasi portieri qëndroi në stol në këtë ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
