Gazeta Si – Interi është mundur 2-1 në ndeshjen e prapambetur me Bolonjën dhe mbetet sërish 2 pikë pas Milanit kryesues. Në “Dall’Ara”, Arnautoviç iu përgjigj avantazhit të Perisiçit, në fund vendosi një gafë e rëndë e portierit Radu, që sot zëvendësoi Handanoviçin.
Interi ka humbur kështu shansin e artë për të marrë kryesimin e Serisë A, duke parakaluar Milanin. Ndeshja e shtyrë nga java e 20-të u fitua nga Bolonja dhe tani, 4 javë para fundit të kampionatit, zikaltrit janë -2 pikë nga kuqezinjtë në garën e fortë të titullit kampion.
Skuadra e Simone Inzagit e nisi shumë mirë këtë ndeshje, duke kaluar në avantazh pas 3 minutash me një eurogol të Ivan Perisiç. Arnautoviç barazoi për Bolonjën me një gjuajtje me kokë në zonë. Dhe në fund Sansone shënoi golin e fitores për vendësit, pas një gafe shumë të rëndë të Radu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
