Një gol i Zllatan Ibrahimoviç ka shpëtuar Milanin në fushën e Udinezes, ku ka barazuar 1-1 për javën e 17-të të Serisë A. Sulmuesi veteran ngriu buzëqeshjen e friulanëve me një veprim akrobatik dhe i dha Milanit një pikë, por kuqezinjtë, në kuotën e 39 pikëve, mund të kalohen nga Interi, nëse fiton me Kaljarin.
Skuadra e Piolit nuk mundi të linte pas pasojat e eliminimit nga Liga e Kampionëve pak ditë më parë. Në Udine shënuan vendësit të parët me Beton, pas një gabimi në mbrojtje të Milanit. Paraqitja e shëmtuar e Milanit u shpëtua nga goli i Ibrahimoviçit në kohën shtesë.
Pas sekonda më pas plasi edhe një sherr mes futbollistëve në fushë, pasi portieri Maingnan u përplas me një lojtar të Udinezes.
Të njëjtin rezultat, 1-1, arriti edhe Juventusi në fushën e Venecias. Goli i Moratës nuk mjaftoi për skuadrën e Alegrit, që ndalet në kampionat pas dy fitoreve radhazi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
